ტრენინგის მეცხრე დღე

1. ტრენინგის  მეცხრე დღე დავიწყეთ  წინა მასალების გამეორებით, შევაჯამეთ ყველაფერი ის რაც ამ ცხრა დღის განმავლობაში ვისწავლეთ, თან ტრენერს ვუსვამდით კითხვებს და იგი ჩვეული აქტიურობით და ყურადღებით თანამშრომლობდა ჩვენთან.

ტრენინგის მსვლელობის დროს გადავხედეთ ჩვენს პორტფელიოებს და შევასწორეთ ტრენერის მითითებით, დაშვებული შეცდომები და გამოვაქვეყნეთ ბლოგზე.

2. ვისწავლეთ იოუტუბზე ვიდეოფაილების ატვირთვა და ბლოგზე გადატანა.

3. თვითოეულმა ჩვენთაგანმა გავაკეთეთ ჩვენი პროექტების პრეზენტაციები, მოვისმინეთ ერთმანეთის რჩევები რასაც გავითვალისწინებთ ჩვენს სამუშაო პრაქტიკაში. ერთმანეთს გაუზიარეთ შთაბეჭდილებები.

4.   ბოლოს შევაჯამეთ ტრენინგი.
    ჩატარებულ ტრენინგებს  შორის,  რასაც  კი დავსწრებივარ,ინტელის ძირითადი  სასწავლო  კურსი  ყველაზე მეტად მომეწონა, ძალზე საინტერესო იყო, რადგან აქ შევისწავლეთ პროექტებით სწავლება.  გავეცანით  რვა მოდულს.
     პირველ  დღეს  გავეცანით  ინტელის ძირითადიკურსის მიზნებს, გავეცანით გზამკვლევს,  ვისწავლეთ რა არის ვიუერი, ჩეკლისტი,შევქმენით  პორტფოლიოს  საქაღალდე , შევქმენით   ბლოგი.
     მეორე დღეს   მიმოვიხილეთ პროექტები, დავამზადეთ  ბუკლეტები. ვისწავლეთ   ბლოგში სურათის  ჩაცმა.
   მესამე დღეს  გავაცანით სტანდარტს, ვიმუშავეთ  პროექტის გეგმაზე.  გავიგე,  რა არის მიმართულების  მიმცემი საკვანძო კითხვები .
   მეოთხე დღეს   განვიხილეთ შეფასებები. შევადგინეთ  დროში გაწერილი  გეგმები, შევისწავლეთ  პროექტის პორტფოლიოს  პრეზენტაცია,  პორტფოლიოს  შექმნა  და ბლოგზე გადატანა.
       მეხუთე დღეს ვისწავლეთ გამოყენებული ლიტერატურის შაბლონები, კომენტარები  ბლოგზე,  შევქმენით  მოსწავლის ნიმუშის  ბლოგი.ვისწავლეთ ბლოგის   სათაურის შეცვლა,   ბლოგის წაშლა,  აღდგენა. ვისწავლეთ, რომ გაჯეტი არის ტექნოლოგიური ინსტრუმენტი.
      მეექვსე დღეს    გავეცანით მოსწავლის პრეზენტაციას,  შეფასებებს,  ვიმუშავეთ ბლოგზე.
   ტრენინგის  მე- 7  დღეც საინტერესო  გამოდგა.ამ  მოდულში გავეცანით,   რომ პროექტზე  მუშაობისას   აუცილებლად  გათვალისწინებული  უნდა იყოს  ყველა  მოსწავლის საჭიროება.   ვისწავლეთ   ბლოგის  გაჯეტში   საათის ჩასმა, ვიმუშავეთ პროექტის გეგმაზე.
     მერვე დღეს  შევქმენით  ფასილიტაციის  რესურსი. გადავხედეთ  პორტფოლიოს, ავტვირთეთ   ბლოგზე.
       ტრენინგის  მე-9 დღეს      ტრენინგის თითოეულმა მონაწილემ  წარადგინა  პროექტი.
   პედაგოგებმა  ერთხმად აღნიშნეს, რომ ინტელის  სასწავლო პროგრამა აქტუალურია, რადგან  ამ პროგრამით  21-ე  საუკუნის იმ უნარ- ჩვევებს  ვთავაზობთ მოსწავლეებს, რომელთა გარეშეც  დღევანდელი სკოლა წარმოუდგენელია.მე  კი,  პირადად , ჩემ  მიერ შეძენილ ცოდნას  გამოვიყენებ  მასწავლებლის  პორტფოლიოს  შესაქმნელად.

     მინდა მადლიერებით აღვნიშნო ტრენინგის მონაწილეთა კოლეგიალური და კეთილგანწყობილი დამოკიდებულება ერთმანეთისადმი და, რაც მთავარია, ტრენერის, ქალბატონ ქეთევან  ცერაძის, მაღალპროფესიული დონე, მისი ენერგიულობა და მზადყოფნა, ნებისმიერი ჩვენგანისათვის გაეწია დახმარება ან კონსულტაცია.
    ტრენინგი პირადად ჩემთვის საინტერესო და ბევრის მომცემი იყო.
    გმადლობთ!